Media

Yığıncağın işinə Nizamnamə tələblərinə uyğun olaraq sədrlik edən Azərbaycan Notariat Palatasının İdarə Heyətinin sədri Hüseyn Məmmədov iştirakçıları salamlayaraq Ümumi yığıncağı açıq elan edib və yığıncağın gündəliyini iştirakçıların diqqətinə çatdırıb.

Ədliyyə Nazirliyinin İxtisas Komissiyası bildirir ki, bəzi bölgələrdə notariat fəaliyyəti ilə məşğul olmaq istəyən hüquqşünaslar üçün elan olunmuş müsabiqə üzrə keçirilmiş test imtahanında zəruri keçid balı toplamış 41 namizədlə fərdi qaydada müsahibə aparılıb.

20-22 iyun 2022-ci il tarixlərində Qazaxıstan Respublikasının Nursultan şəhərində "Yeni reallıq şəraitində notariatın müasir çağırışları və inkişafı" mövzusunda keçirilmiş II Mərkəzi Asiya beynəlxalq notariat konfransında Azərbaycan nümayəndə heyətininin üzvü, Azərbaycan Respublikası Ədliyyə Nazirliyinin Qeydiyyat və notariat baş idarəsinin məsləhətçisi, Azərbaycan Notariat Palatasının Elektron notariatın inkişafı üzrə işçi qrupunun koordinatoru Zaur Həsənovun “Azərbaycan Respublikasında notariuslar tərəfindən icra qeydlərinin aparılması qaydaları” mövzusunda təqdimatla çıxış etmişdir. Azərbaycan Respublikasında notariatın elektron imkanlarını əks etdirən təqdimat tədbir iştirakçılarının geniş marağına səbəb olmuş və bu barədə Qazaxıstanın Respublika Notariat Palatasının “Notariusun bülleteni” adlı elektron jurnalında əks olunmuşdur.

Ölkə Prezidenti İlham Əliyevin rəhbərliyi ilə ədliyyə sahəsində aparılan islahatlar ədliyyə xidmətlərinin müasir çağırışlara uyğun inkişafını, mütərəqqi beynəlxalq təcrübələrə yiyələnməklə onların rəqəmsallaşdırılmasını və əlçatanlığının artırılmasını təmin edir.

1993-cü il iyunun 15-də Heydər Əliyev xalqın çağırışı ilə Azərbaycan Respublikasının rəhbərliyinə qayıdaraq dövlət müstəqilliyinin və birliyinin qorunub saxlanması, möhkəmlənməsi və inkişafını, insan hüquqlarının təmin olunmasını, dövlət siyasətinin əsas istiqamətlərindən biri kimi müəyyən etmişdir. Ulu öndərin hakimiyyətə qayıdışı milli dövlətçiliyimizi məhv olmaqdan xilas edib, müstəqilliyimizin dönməzliyini və ölkəmizin gələcək inkişafını təmin etmişdir.