Медиа
Azərbaycan Notariat Palatasının nümayəndə heyəti Astanada keçirilən beynəlxalq konfransda iştirak edib
27.06.2025
Azərbaycan Notariat Palatasının nümayəndə heyəti Astanada keçirilən beynəlxalq konfransda iştirak edib
19-20 iyun tarixlərində Qazaxıstan Notariat Palatasının təşkilatçılığı ilə Qazaxıstanın paytaxtı Astana şəhərində “Müasir cəmiyyətdə notariat: konstitusiya təminatları və zamanın çağırışları” mövzusunda beynəlxalq elmi-praktiki konfrans keçirilib.
Konfransda Qazaxıstan Respublikası Notariat Palatasının dəvəti ilə iştirak edən Azərbaycan Notariat Palatasının nümayəndə heyəti, Notariat Palatasının İdarə Heyətinin sədri Hüseyn Məmmədov, 6 saylı Bakı “ASAN xidmət” mərkəzində notariat ofisinin notariusu Bəylər Məmişov və Bakı şəhəri 30 saylı notariat ofisinin notarisu Əli Əliyevdən ibarət tərkibdə təmsil olunub.
Beynəlxalq konfransda Qazaxıstan Respublikasının Konstitusiya Məhkəməsinin, Ali Məhkəməsinin, Ədliyyə Nazirliyinin, Məhkəmə-Hüquq Şurasının, Parlamentin, universitetlərin, bir sıra ölkələrin – Azərbaycan, Belarus Respublikası, Macarıstan, Rusiya Federasiyası, Türkiyə, Qırğızıstan, Özbəkistan, Meksika notariat palatalarının, həmçinin İspaniya vəkilliyinin rəhbər və səlahiyyətli şəxsləri iştirak edib, konstitusion hüquqların qorunmasında və həyata keçirilməsində notariat institutunun verdiyi töhfələrin əhəmiyyəti barədə çıxışlar edilib.
Tədbirdə Azərbaycan Notariat Palatasının sədri Hüseyn Məmmədov “Konstitusion hüquqlar, notariat və dövrün çağırışları” mövzusunda çıxış edərək, Azərbaycan Respublikasında konstitusion hüquqların müdafiəsində notariatın rolu və notariat fəaliyyətinin zamanın çağırışlarına uyğun olaraq davam etdirilməsi üçün zəruri istiqamətlərə diqqət çəkib. H.Məmmədov çıxışında ölkəmizdə notariat sahəsində həyata keçirilən yeniliklər, notariat fəaliyyətinin təşkilinin təkmilləşdirilməsi, rəqəmsallaşmanın notariatın inkişafında yardımçı vasitə olaraq aktuallığının artması kimi məsələlərin əhəmiyyətini vurğulayıb.
Səfər çərçivəsində nümayəndə heyəti Astana şəhərində fəaliyyət göstərən notariat ofisində də olub, Qazaxıstan Respublikasında notariat fəaliyyətinin yenilikləri ilə tanış olaraq təcrübə mübadiləsi aparıblar.
Digər Xəbərlər
Berlində Beynəlxalq Notariat İttifaqının 31-ci konqresi keçirilib
06.10.2025
Azərbaycan Notariat Palatasının nümayəndə heyəti Qırğız Respublikasında keçirilən beynəlxalq konfransda iştirak edib 8-9 sentyabr 2025-ci il tarixlərində Qırğız Respublikasının İssık-Kul vilayətində “Notariat – dövlətin və cəmiyyətin xidmətində” mövzusunda beynəlxalq konfrans keçirilib. Qırğız Respublikası Notariat Palatasının təşkilatçılığı və dəvəti ilə Qırğız notariatının yaradılmasının 100 illiyinə həsr olunmuş tədbirdə Azərbaycan Notariat Palatasının nümayəndə heyəti iştirak edib. Beynəlxalq notariat konfransında Azərbaycan nümayəndə heyəti Azərbaycan Notariat Palatasının İdarə Heyətinin sədri Hüseyn Məmmədov, Bakı şəhəri 29 saylı notariat ofisinin notariusu İslam Mirzəzadə və 6 saylı Bakı “ASAN xidmət” mərkəzində notariat ofisinin notariusu Elvin Hüseynovdan ibarət tərkibdə təmsil olunub. Beynəlxalq tədbirdə Azərbaycan, Türkiyə, Qazaxıstan, Özbəkistan, Qırğız Respublikası, Rusiya, Belarus, Litva və Xorvatiya notariat palatalarının, həmçinin Qırğız Respublikasının dövlət qurumlarının nümayəndələri iştirak ediblər. Konfransda iştirakçı ölkələrin notariat sistemlərinin inkişaf tarixi, aparılan islahatlar və yeniliklər, rəqəmsallaşmanın notariat fəaliyyətində tətbiqi və notariatın inkişaf perspektivləri müzakirə olunub, təqdimatlar edilib. Konfransda çıxış edən nümayəndələr notariat institutunun hüquqi dövlətin formalaşmasında və vətəndaş cəmiyyətinə xidmətində oynadığı rolu vurğulayıb və bu sahədəki təcrübələrini bölüşüblər. Azərbaycan Notariat Palatasının sədri H.Məmmədov “Azərbaycan Respublikasında mülki münasibətlərin və mülki dövriyyənin notarial tənzimlənməsi” mövzusunda çıxış edərək, Azərbaycanda mülki münasibətlərin notarial tənzimlənməsinin inkişaf tarixi, notariat fəaliyyətinin yeni inkişaf mərhələsinə keçməsi prosesi, Azərbaycan Respublikasında müasir dövrdə notariat fəaliyyətinin əhatə dairəsi və perspektiv imkanlar barədə məruzə etmişdir. Səfər çərçivəsində nümayəndə heyəti Qırğız Respublikasının və digər iştirakçı ölkələrin təmsilçiləri ilə notariatın aktual məslələri üzrə fikir mübadiləsi aparmış, həmçinin Bişkek şəhərində fəaliyyət göstərən notariat ofisinin fəaliyyəti ilə tanış olmuşdur.
15.09.2025
Qırğız Respublikası Ədliyyə Nazirliyinin nümayəndə heyəti ilə Azərbaycan Notariat Palatasında işgüzar görüş keçirilib
10.09.2025