Медиа
Azərbaycan Notariat Palatasının təşkilatçılığı ilə notariuslar üçün növbəti regional seminar keçirilib
08.07.2025
Azərbaycan Notariat Palatasının təşkilatçılığı ilə notariuslar üçün növbəti regional seminar keçirilib
İyulun 5-də Azərbaycan Notariat Palatasının təşkilatçılığı ilə Qusar rayonunda "Hüquqi şəxslərin iştirakı ilə aparılan notariat hərəkətlərinin xüsusiyyətləri" mövzusunda seminar keçirilib.
Hibrid formatda təşkil olunan seminarda hüquqi şəxslərin iştirakı ilə həyata keçirilən notariat əməliyyatlarının hüquqi çərçivəsi və bu əməliyyatların icrasının təkmilləşdirilməsi məsələləri müzakirə olunub.
Azərbaycan Notariat Palatasının sədri Hüseyn Məmmədov “Hüquqi şəxslərin iştirakı ilə aparılan notariat hərəkətlərinin xüsusiyyətləri” mövzusunda çıxış edərək, seminarın mövzusunun aktuallığına diqqəti yönəldib, notariusların bu sahədə qarşılaşdıqları hüquqi və praktiki məsələlər barədə məruzə edib.
H. Məmmədov hüquqi şəxslərlə bağlı notariat əməliyyatlarında notariuslar tərəfindən aparılan rəsmi prosedurların ətraflı aydınlaşdırılmalı və bağlanılan əqdin mahiyyət və tərəflərin həqiqi iradə ifadəsi baxımından gerçəkliyi əks etdirməli olduğunu vurğulayıb.
Ədliyyə Nazirliyinin Notariat, qeydiyyat və reyestr baş idarəsinin böyük məsləhətçisi Müşfiq Cəfərov “Hüquqi şəxslərin iştirakı ilə aparılan əməliyyatlarda “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanunun tələblərinin icrası, o cümlədən benefisiar mülkiyyətçinin müəyyən edilməsi” mövzusunda qanunvericiliyin izahı və mövcud təcrübənin aydınlaşdırılması barədə, Azərbaycan Notariat Palatasının baş məsləhətçisi İsmayıl Mahmudov isə “Hüquqi şəxslərin təsis paylarının özgəninkiləşdirilməsi ilə bağlı əməliyyatlarda sənədləşmə prosedurları” mövzusunda çıxış ediblər.
Seminarın işində iştirak edən Azərbaycan Qiymətləndiricilər Palatasının sədri Nüsrət İbrahimov və qiymətləndirici Ramil Osmanlı isə “Hüquqi şəxslərin aktivlərinin qiymətləndirilməsi” mövzusunda məruzə edərək qiymətləndirmə meyarları barədə təqdimatla çıxış ediblər.
Seminar mövzuları ətrafında diskussiyalar aparılıb və təkliflər verilib.
Seminarda 40-a yaxın notarius birbaşa, 100-ə yaxın notarius isə onlayn qoşulub, həmçinin Azərbaycan Notariat Palatasının əməkdaşları və Azərbaycan Respublikası Qiymətləndiricilər Palatasının təmsilçiləri iştirak ediblər.
Digər Xəbərlər
Azərbaycan Notariat Palatasının nümayəndə heyəti Qırğız Respublikasında keçirilən beynəlxalq konfransda iştirak edib 8-9 sentyabr 2025-ci il tarixlərində Qırğız Respublikasının İssık-Kul vilayətində “Notariat – dövlətin və cəmiyyətin xidmətində” mövzusunda beynəlxalq konfrans keçirilib. Qırğız Respublikası Notariat Palatasının təşkilatçılığı və dəvəti ilə Qırğız notariatının yaradılmasının 100 illiyinə həsr olunmuş tədbirdə Azərbaycan Notariat Palatasının nümayəndə heyəti iştirak edib. Beynəlxalq notariat konfransında Azərbaycan nümayəndə heyəti Azərbaycan Notariat Palatasının İdarə Heyətinin sədri Hüseyn Məmmədov, Bakı şəhəri 29 saylı notariat ofisinin notariusu İslam Mirzəzadə və 6 saylı Bakı “ASAN xidmət” mərkəzində notariat ofisinin notariusu Elvin Hüseynovdan ibarət tərkibdə təmsil olunub. Beynəlxalq tədbirdə Azərbaycan, Türkiyə, Qazaxıstan, Özbəkistan, Qırğız Respublikası, Rusiya, Belarus, Litva və Xorvatiya notariat palatalarının, həmçinin Qırğız Respublikasının dövlət qurumlarının nümayəndələri iştirak ediblər. Konfransda iştirakçı ölkələrin notariat sistemlərinin inkişaf tarixi, aparılan islahatlar və yeniliklər, rəqəmsallaşmanın notariat fəaliyyətində tətbiqi və notariatın inkişaf perspektivləri müzakirə olunub, təqdimatlar edilib. Konfransda çıxış edən nümayəndələr notariat institutunun hüquqi dövlətin formalaşmasında və vətəndaş cəmiyyətinə xidmətində oynadığı rolu vurğulayıb və bu sahədəki təcrübələrini bölüşüblər. Azərbaycan Notariat Palatasının sədri H.Məmmədov “Azərbaycan Respublikasında mülki münasibətlərin və mülki dövriyyənin notarial tənzimlənməsi” mövzusunda çıxış edərək, Azərbaycanda mülki münasibətlərin notarial tənzimlənməsinin inkişaf tarixi, notariat fəaliyyətinin yeni inkişaf mərhələsinə keçməsi prosesi, Azərbaycan Respublikasında müasir dövrdə notariat fəaliyyətinin əhatə dairəsi və perspektiv imkanlar barədə məruzə etmişdir. Səfər çərçivəsində nümayəndə heyəti Qırğız Respublikasının və digər iştirakçı ölkələrin təmsilçiləri ilə notariatın aktual məslələri üzrə fikir mübadiləsi aparmış, həmçinin Bişkek şəhərində fəaliyyət göstərən notariat ofisinin fəaliyyəti ilə tanış olmuşdur.
15.09.2025
Qırğız Respublikası Ədliyyə Nazirliyinin nümayəndə heyəti ilə Azərbaycan Notariat Palatasında işgüzar görüş keçirilib
10.09.2025
Azərbaycan Notariat Palatasının növbədənkənar Ümumi yığıncağı keçirilmişdir.
12.07.2025