Медиа
Bu günlərdə Meksikanın Kankun şəhərində latın notariat tipli (kontinental hüquq sistemli) ölkələrin norariat qurumlarını birləşdirən Beynəlxalq Notariat İttifaqının 30-cu Konqresi keçirilib.
07.12.2022
Tədbirdə Azərbaycan Notariat Palatasını İdarə Heyətinin sədri, 2 saylı Bakı “ASAN xidmət” mərkəzinin notariusu Hüseyn Məmmədov və Palatanın Elektron notariatın inkişafı üzrə işçi qrupunun üzvü, Bakı şəhəri 22 saylı notariat ofisinin notariusu Sübhi Bektaşi təmsil ediblər.
Konqresdə Beynəlxalq Notariat İttifaqının latın notariatının hazırkı dövrdə əsas fəaliyyət istiqamətlərini əhatə edən müxtəlif məsələləri, o cümlədən pandemiya və post-pandemiya dövründə, virtual mühitdə, eləcədə pandemiyadan sonrakı dövrdə milli iqtisadiyyatların bərpasında, çirkli pulların yuyulması və terrorçuluğun maliyyələşdirilməsinə qarşı mübarizədə
notariat institutunun fəaliyyəti mövzuları ilə bağlı çıxışlar edilib, müzakirələr aparılıb.
İttifaqın idarəetmə orqanlarına səlahiyyət müddətləri ilə bağlı yeni üzvlərin seçkisi keçirilərək Beynəlxalq Notariat İttifaqının yeni sədri vəzifəsinə Fransadan olan notarius Lionel Qallies seçilib, Qazaxıstan və Özbəkistan Notariat palataları İttifaqa üzv qəbul olunublar.
Tədbir çərçivəsində Azərbaycan nümayəndə heyəti tərəfindən Beynəlxalq Notariat İttifaqının bir sıra səlahiyyətli şəxsləri ilə görüşlər keçirilərək əməkdaşlığa dair faydalı fikir mübadiləsi aparılıb.
Digər Xəbərlər
Azərbaycan Notariat Palatasının nümayəndə heyəti Qırğız Respublikasında keçirilən beynəlxalq konfransda iştirak edib 8-9 sentyabr 2025-ci il tarixlərində Qırğız Respublikasının İssık-Kul vilayətində “Notariat – dövlətin və cəmiyyətin xidmətində” mövzusunda beynəlxalq konfrans keçirilib. Qırğız Respublikası Notariat Palatasının təşkilatçılığı və dəvəti ilə Qırğız notariatının yaradılmasının 100 illiyinə həsr olunmuş tədbirdə Azərbaycan Notariat Palatasının nümayəndə heyəti iştirak edib. Beynəlxalq notariat konfransında Azərbaycan nümayəndə heyəti Azərbaycan Notariat Palatasının İdarə Heyətinin sədri Hüseyn Məmmədov, Bakı şəhəri 29 saylı notariat ofisinin notariusu İslam Mirzəzadə və 6 saylı Bakı “ASAN xidmət” mərkəzində notariat ofisinin notariusu Elvin Hüseynovdan ibarət tərkibdə təmsil olunub. Beynəlxalq tədbirdə Azərbaycan, Türkiyə, Qazaxıstan, Özbəkistan, Qırğız Respublikası, Rusiya, Belarus, Litva və Xorvatiya notariat palatalarının, həmçinin Qırğız Respublikasının dövlət qurumlarının nümayəndələri iştirak ediblər. Konfransda iştirakçı ölkələrin notariat sistemlərinin inkişaf tarixi, aparılan islahatlar və yeniliklər, rəqəmsallaşmanın notariat fəaliyyətində tətbiqi və notariatın inkişaf perspektivləri müzakirə olunub, təqdimatlar edilib. Konfransda çıxış edən nümayəndələr notariat institutunun hüquqi dövlətin formalaşmasında və vətəndaş cəmiyyətinə xidmətində oynadığı rolu vurğulayıb və bu sahədəki təcrübələrini bölüşüblər. Azərbaycan Notariat Palatasının sədri H.Məmmədov “Azərbaycan Respublikasında mülki münasibətlərin və mülki dövriyyənin notarial tənzimlənməsi” mövzusunda çıxış edərək, Azərbaycanda mülki münasibətlərin notarial tənzimlənməsinin inkişaf tarixi, notariat fəaliyyətinin yeni inkişaf mərhələsinə keçməsi prosesi, Azərbaycan Respublikasında müasir dövrdə notariat fəaliyyətinin əhatə dairəsi və perspektiv imkanlar barədə məruzə etmişdir. Səfər çərçivəsində nümayəndə heyəti Qırğız Respublikasının və digər iştirakçı ölkələrin təmsilçiləri ilə notariatın aktual məslələri üzrə fikir mübadiləsi aparmış, həmçinin Bişkek şəhərində fəaliyyət göstərən notariat ofisinin fəaliyyəti ilə tanış olmuşdur.
15.09.2025
Qırğız Respublikası Ədliyyə Nazirliyinin nümayəndə heyəti ilə Azərbaycan Notariat Palatasında işgüzar görüş keçirilib
10.09.2025
Azərbaycan Notariat Palatasının növbədənkənar Ümumi yığıncağı keçirilmişdir.
12.07.2025