Медиа
Azərbaycan Notariat Palatasının nümayəndə heyəti “Daşkənd Hüquq Baharı” IV Beynəlxalq Hüquq Forumunda iştirak edib
04.06.2025
29-30 may tarixlərində Azərbaycan Notariat Palatasının nümayəndə heyəti Özbəkistan Respublikasının Ədliyyə Nazirliyinin və Özbəkistan Respublikasının Notariat Palatasının dəvəti ilə Daşkənd şəhərində “Daşkənd Hüquq Baharı” IV Beynəlxalq Hüquq Forumunda iştirak edib. Nümayəndə heyətinin tərkibində Azərbaycan Notariat Palatasının üzvü, Bakı şəhəri 22 saylı notariat ofisinin notariusu Sübhi Bektaşi və Bakı şəhəri 25 saylı notariat ofisinin notariusu Fuad Səfərov təmsil olunublar.
Foruma yüksək səviyyəli hökumət rəsmiləri, beynəlxalq təşkilatların nümayəndələri, dünyanın aparıcı ekspertləri və elm xadimləri də daxil olmaqla 30 dövlətdən 600-dən çox nümayəndə qatılıb.
Forumda iştirak edən Ədliyyə naziri Fərid Əhmədov əsas plenar iclasda hüquqi təhsil və onun inkişafında informasiya və kommunikasiya texnologiyalarının rolu barədə danışıb. Bu sahədə müasir çağırışlarla bağlı çıxış edən F.Əhmədov Ədliyyə Nazirliyi tərəfindən hüquqi təhsil sahəsinin inkişafı və hüquq sisteminin müasirləşdirilməsi baxımından əhəmiyyətli addımlar atıldığını vurğulayıb.
“Rəqəmsal notariat. Növbəti nə var?” adlı sessiya çərçivəsində çıxış edən Sübhi Bektaşi Azərbaycanda notariat fəaliyyətinin rəqəmsallaşdırılması istiqamətində atılan mühüm addımlardan bəhs edib. O qeyd edib ki, notariat sistemində informasiya texnologiyalarının tətbiqi mərhələli şəkildə təkmilləşdirilib və hazırda notariuslar “Elektron notariat” sisteminin üçüncü- daha təkmilləşdirilmiş versiyasından istifadə edirlər. Bu sistem dövlət və özəl qurumlarla inteqrasiya olunaraq notariat hərəkətlərinin rəqəmsal şəkildə tam icrasını və arxivləşdirilməsini təmin edir.
Çıxış zamanı S. Bektaşi vurğulayıb ki, biometrik identifikasiya, sənədlərdə QR və barkodların tətbiqi, audio və video sübutların toplanması, habelə elektron notariat reyestrinin aparılması sahəsində ciddi nailiyyətlər əldə olunub. O, həmçinin “Mobil notariat” tətbiqi vasitəsilə vətəndaşların bəzi notariat hərəkətlərini məsafədən, 24/7 rejimində, bir neçə dəqiqə ərzində rəqəmsal şəkildə həyata keçirə bildiklərini diqqətə çatdırıb.
Səfər çərçivəsində notariuslar, həmçinin Daşkənd şəhərində fəaliyyət göstərən notariat ofisində olub, Özbəkistanda notariat hərəkətlərinin aparılması təcrübəsi ilə tanış olublar.
Digər Xəbərlər
Berlində Beynəlxalq Notariat İttifaqının 31-ci konqresi keçirilib
06.10.2025
Azərbaycan Notariat Palatasının nümayəndə heyəti Qırğız Respublikasında keçirilən beynəlxalq konfransda iştirak edib 8-9 sentyabr 2025-ci il tarixlərində Qırğız Respublikasının İssık-Kul vilayətində “Notariat – dövlətin və cəmiyyətin xidmətində” mövzusunda beynəlxalq konfrans keçirilib. Qırğız Respublikası Notariat Palatasının təşkilatçılığı və dəvəti ilə Qırğız notariatının yaradılmasının 100 illiyinə həsr olunmuş tədbirdə Azərbaycan Notariat Palatasının nümayəndə heyəti iştirak edib. Beynəlxalq notariat konfransında Azərbaycan nümayəndə heyəti Azərbaycan Notariat Palatasının İdarə Heyətinin sədri Hüseyn Məmmədov, Bakı şəhəri 29 saylı notariat ofisinin notariusu İslam Mirzəzadə və 6 saylı Bakı “ASAN xidmət” mərkəzində notariat ofisinin notariusu Elvin Hüseynovdan ibarət tərkibdə təmsil olunub. Beynəlxalq tədbirdə Azərbaycan, Türkiyə, Qazaxıstan, Özbəkistan, Qırğız Respublikası, Rusiya, Belarus, Litva və Xorvatiya notariat palatalarının, həmçinin Qırğız Respublikasının dövlət qurumlarının nümayəndələri iştirak ediblər. Konfransda iştirakçı ölkələrin notariat sistemlərinin inkişaf tarixi, aparılan islahatlar və yeniliklər, rəqəmsallaşmanın notariat fəaliyyətində tətbiqi və notariatın inkişaf perspektivləri müzakirə olunub, təqdimatlar edilib. Konfransda çıxış edən nümayəndələr notariat institutunun hüquqi dövlətin formalaşmasında və vətəndaş cəmiyyətinə xidmətində oynadığı rolu vurğulayıb və bu sahədəki təcrübələrini bölüşüblər. Azərbaycan Notariat Palatasının sədri H.Məmmədov “Azərbaycan Respublikasında mülki münasibətlərin və mülki dövriyyənin notarial tənzimlənməsi” mövzusunda çıxış edərək, Azərbaycanda mülki münasibətlərin notarial tənzimlənməsinin inkişaf tarixi, notariat fəaliyyətinin yeni inkişaf mərhələsinə keçməsi prosesi, Azərbaycan Respublikasında müasir dövrdə notariat fəaliyyətinin əhatə dairəsi və perspektiv imkanlar barədə məruzə etmişdir. Səfər çərçivəsində nümayəndə heyəti Qırğız Respublikasının və digər iştirakçı ölkələrin təmsilçiləri ilə notariatın aktual məslələri üzrə fikir mübadiləsi aparmış, həmçinin Bişkek şəhərində fəaliyyət göstərən notariat ofisinin fəaliyyəti ilə tanış olmuşdur.
15.09.2025
Qırğız Respublikası Ədliyyə Nazirliyinin nümayəndə heyəti ilə Azərbaycan Notariat Palatasında işgüzar görüş keçirilib
10.09.2025