Media

Azərbaycan Notariat Palatası notariat xidmətinin inkişafı və təkmilləşdirilməsi məqsədilə notariusların məcburi üzvlüyü əsasında yaradılan, fəaliyyətini özünüidarəetmə prinsipi üzrə həyata keçirən qeyri-kommersiya hüquqi şəxsidir. Notariat Palatası Azərbaycan Respublikasında xüsusi qaydada fəaliyyət göstərən bütün notariusları özündə birləşdirir. Palatanın fəaliyyəti barədə www.aznotary.az saytından ətraflı məlumat əldə edə bilərsiniz.

Baş məsləhətçi

Əsas vəzifə öhdəlikləri:

• Palatanın iş planına uyğun olaraq müəyyən edilmiş hüquqi mövzularda araşdırmalar aparmaq, təkliflər və rəylər hazırlamaq;
• Palata rəhbərliyinin tapşırığı ilə Palatanın qanunvericilik məsələləri üzrə fəaliyyət istiqamətlərinə aid məsələlərin tənzimlənməsində iştirak etmək;
• Hüquq və notariat sahəsində qanunvericilik aktlarının, metodiki tövsiyələrin və xidməti təlimatların, qaydaların və s. sənədlərin layihələrinin hazırlanmasında iştirak etmək, onların təkmilləşdirilməsi ilə bağlı təkliflər vermək, normativ-hüquqi aktların layihələrinə və digər hüquqi xarakterli sənədlərə dair rəylər hazırlamaq,
• Fiziki və hüquqi şəxslərdən, həmçinin dövlət orqanlarından daxil olan hüquqi xarakterli sorğular və müraciətlər üzrə qanunvericiliklə müəyyən olunmuş qaydada araşdırmalar aparmaq və cavablar hazırlamaq;
• Hüquq və notariat fəaliyyətinin aktual məsələlərini əhatə edən mövzular üzrə Palatanın Şuralarının müzakirəsi üçün təkliflər vermək;
• Hüquq və notariat sahəsində hüquqi təbliğat və maarifləndirmə işinin aparılmasında iştirak etmək;
• Notariat fəaliyyətinin təkmilləşdirilməsi və səmərəliliyinin artırılması üzrə təkliflər vermək;
• Notariat fəaliyyətinin aktual məsələləri barədə hüquqi təbliğat məqsədilə məqalələr və çıxışlar hazırlamaq;
• Palata tərəfindən təşkil olunan tədbirlərdə (seminar, konfrans, təlim, müzakirə, dəyirmi masa və s.) iştirak etmək, müzakirə edilən məsələlər barədə təhlillər aparmaq və təkliflər vermək;
• Notariat fəaliyyəti üzrə beynəlxaq təcrübəni araşdırmaq, notariat sahəsində xarici normativ aktlarla milli qanunvericiliyin müqayisəli təhlilini aparmaq və bu istiqamətdə səmərələşdirici təkliflər vermək;
• Palata rəhbərliyinin verdiyi digər tapşırıqları icra etmək.

İş şərtləri:

Əmək müqaviləsi bağlanılır.

İş vaxtı: 09:00 - 18:00.

İş günü: Bazar ertəsi- Cümə.

Namizəd üçün tələblər:

Ali təhsil.

Hüquq sahəsində ən azı 5 il iş təcrübəsi.

Ən azı bir xarici dil biliyi (sərbəst səviyyədə).

Microsoft Office (Word, Excel, Power Point) proqramlarında sərbəst işləmək bacarığı.

Şəxsi keyfiyyətlər:

Analitik düşüncə qabiliyyəti, intizamlılıq, ünsiyyətcillik.

Yeni bilik və bacarıqları özündə inkişaf etdirmək həvəsi.

Məlumatlandırıcı qeydlər:

CV formanızı göndərmədən öncə iş elanı ilə ətraflı tanış olun.

CV formasında əsas məlumatları lokanik və aydın qeyd edin.

Vakansiya üzrə müraciətlər 01 avqust 2024-cü il tarixədək qəbul olunacaqdır.

İşə qəbul prosesinin növbəti mərhələsi ilə bağlı ümumi tələblərə uyğun gələn namizədlərlə müsahibə keçirilməsi üçün əlaqə saxlanılacaqdır.

Vakansiya ilə maraqlanan namizədlərdən CV-lərini (CV formasını Notariat Palatasının aznotary.az saytında “Vakansiya” bölməsindən götürə bilərsiniz) vakansiya@aznotary.az -mail ünvanına göndərmələri və e-mailin mövzu hissəsində mütləq “Vakansiya” qeyd etmələri xahiş olunur.

CV forması